Mobile App

Pramugari AMBONESSE AIRLINES:

"Selamat pagi hampir siang basodara samua...nanti kalo ale dong pung mata so rasa padis deng ale pung talinga mo tuli, lha jang lupa makan gula2"

Skarang ale dong tolong liht cara pasang akang pung sabuk pengaman, ale pasang bagini trus tindis,kalo mo buka ale tarik akang pung besi sampe talapas.

Baju pelampung tu akang ada di bawah kursi, zeng usa pake skarang,tunggu sampe bapa raja pilot, antua kas komando dolo

Itu baju jang ale dong ksh pindah2 lai dan jang coba2 bawa pulang, brani ada yg bawa pulang beta palungku dlm muka !

Kalo ale dong mo pake itu baju palampung,kase maso dari batang leher lah ksh kancang dari muka.
Jang ale tarek kancing sampe kancang , nanti zeng bsa banafas.
Bisa mampoz.

Supaya ta'apung di aer,tarek itu gantungan, akang yg warna merah tu..

Ingat kalo tarek itu barang, pas so di luar pesawat,jang tarik di dalam nanti ale dong tagae di pintu kalo itu baju so kasih kembung memang

Abis itu ale dong keluar satu-satu, jang baku tola kiri kanan...

Kalo napas so sesak, nanti masker oksigen otomatis kaluar sandiri dari ale dong pung atas kapala, akang pung jumlah su pas satu org satu,jadi jang baku melawan gara2 brg cukimay itu,..

Kartu petunjuk darurat akang ada di muka kursi tu, jang lupa baca akang e, zeng usah paksa diri voor afal akang

Bagitu sa bsdora, jang lupa sumbayang supaya Tete manis lindungi ale dong dlm perjalanan supaya tiba deng slmt...

Akhir kata. Jang buta huruf.. Palang pintu bisa pica di ale pung kapala. Selamat Pagi, selamat terbang deng Ambonesse Airlines.
Link : http://mob.akupapua.com
powered by www.akupapua.com | www.arthurondi.tk.